National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Ақорда

Бүгін Ақордада ҚР Мемлекеттік хатшысы М.Тәжиннің төрағалығымен этносаралық қарым-қатынас мәселелері жөнінде республикалық және жергілікті мемлекеттік органдар өкілдері қатысқан республикалық кеңес өтті

2013 жылғы 29 наурыз

 

Кеңеске Президент Әкімшілігінің бөлім меңгерушілері, министрліктер мен ведомстволардың басшылары, Астана, Алматы қалаларының және облыс әкімдерінің орынбасарлары, Қазақстан халқы ассамблеясы аймақтық хатшылықтарының меңгерушілері, Қазақстан халқы ассамблеясы Ғылыми-сарапшылық кеңесінің мүшелері қатысты. 

Іс-шара барысында «Қазақстан-2050» Стратегиясын белгілеп берген Президенттің Қазақстан халқына Жолдауының «Жаңа қазақстандық патриотизм – біздің көпұлтты және көпконфессиялы қоғамымыз табысының негізі» деген жетінші басымдығын іске асыру міндеті, этносаралық қарым-қатынас саласындағы саяси және ақпараттық жұмыстың өзекті мәселелері, мемлекеттік этносаясат пен Қазақстан халқы ассамблеясы жұмысындағы аймақтық компонентті жетілдіру мүмкіндіктері қаралды.

Мемлекет басшысы - Қазақстан халқы ассамблеясының төрағасы Н.Ә.Назарбаевтың этносаралық қарым-қатынасты нығайту саласындағы тапсырмаларының орындалуы, сондай-ақ, Алматы, Ақмола, Батыс Қазақстан, Солтүстік Қазақстан облыстарының аймақтық ассамблеялары жұмысындағы жаңа бағыттар мен формалар туралы  есептері тыңдалды.

Қазақстан халқы ассамблеясының этносаралық келісім мен қоғамдық тұрақтылықты нығайту, оның қызметін ақпараттық және ғылыми сүйемелдеу жөнінде мемлекеттік органдармен өзара іс-қимыл мәселелері, бірқатар басқа да ұйымдастырушылық міндеттер талқыланды.

Кеңес қорытындысы бойынша ҚР Мемлекеттік хатшысы мемлекеттік органдарға этносаясат саласындағы саяси жоспарлауды күшейту, ведомствоаралық  үйлестіруді, қоғамдық келісімді нығайту жөнінде ортақ міндеттерді іске асыруда мемлекеттік органдар мен азаматтық қоғам институттарының өзара іс-қимылының тиімділігін арттыру жөнінде тапсырмалар берді.


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің