Жаңалықтар

1 желтоқсан 2014
Қазақстан Республикасы Президентінің байрағын көтеру және Мемлекеттік күзет қызметінің туын тапсыру рәсімі

Елбасы шараға қатысушыларға арнаған сөзінде тәуелсіз еліміздің тарихында алғаш рет Мемлекеттік күзет қызметі құрылғанын айтты.

 

Елбасы шараға қатысушыларға арнаған сөзінде тәуелсіз еліміздің тарихында алғаш рет Мемлекеттік күзет қызметі құрылғанын айтты.

– Сіздер тәуелсіздікті нығайтуға атсалысасыздар, мемлекеттік механизмнің тұрақты жұмысын қамтамасыз ете отырып, қауіп-қатерлерге қарсы тұрасыздар. Сіздердің қызметтеріңізді, бәлкім, бүкіл халық көрмейтін болар, бірақ сіздер жауапкершілік ауқымы зор жұмыс атқарасыздар. Қызметті лайықты атқару үшін тәртіп, үлкен машық пен жоғары моральдық дайындық қажет. Өздеріңізге жүктелген сенімді абыроймен ақтайтындарыңызға сенімдімін, – деді Мемлекет басшысы.

Нұрсұлтан Назарбаев сондай-ақ қазақстандықтардың 23 жыл бұрын тарихта бірінші рет бүкілхалықтық дауыс беру арқылы Мемлекет басшысын сайлағанына тоқталды.

– Бүкілхалықтық сенімге арқа сүйей отырып, мен 16 желтоқсанда еліміздің тәуелсіздігін жарияладым. Сол себепті де Тұңғыш Президент күні мен алдағы ұлттық мереке – Тәуелсіздік күні арасында тығыз байланыс бар, – деді Қазақстан Президенті.

Соңында Мемлекет басшысы офицерлерге мықты денсаулық, Отанымыздың игілігі жолындағы жауапты қызметтеріне табыс тіледі.

Рәсім барысында Мемлекеттік әнұранның әуенімен резиденция алдындағы тутұғырға Қазақстан Республикасы Президентінің байрағы көтерілді.

Қазақстан Республикасының рәміздеріне әскери құрметін өтеген парадтық есептоп сарбаздары «Ақорда» алдындағы алаңда сап түзеп өтті.

Байрақ республика елордасындағы Қазақстан Президентінің резиденциясында тұрады, ал Мемлекет басшысының сапарлары кезінде басқа резиденцияларда, Республика Президентінің көліктерінде болады.

 


Барлық жаңалықтар
 
Өзге оқиғалар
Барлық оқиғалар