National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Ақорда

Қазақстан Президенті Беларусь Республикасы Қауіпсіздік кеңесінің Мемлекеттік хатшысы Станислав Засьті қабылдады

2019 жылғы 28 маусым

Қасым-Жомарт Тоқаев Қазақстан астанасына келген Станислав Заське ілтипат білдіріп, Ұжымдық қауіпсіздік шарт ұйымының өңірдегі бейбітшілік пен қауіпсіздікті сақтауда маңызы зор екенін атап өтті. Сондай-ақ, Қазақстан Ұжымдық қауіпсіздік шарт ұйымының Бас хатшысы лауазымына Беларусьтің кандидатурасын басынан бастап қолдағанын айтты.

– Ұжымдық қауіпсіздік шарт ұйымы халықаралық ұйым ретінде Еуразия құрлығының ауқымды кеңістігінде қауіпсіздікті қамтамасыз етудің елеулі факторына айналып, нығайды. Ұжымдық қауіпсіздік шарт ұйымы біз үшін – маңызды ұйым. Беларусь сияқты біз де оны дамытуға зор үлес қостық. Ұжымдық қауіпсіздік шарт ұйымының Парламент Ассамблеясында белсенді жұмыс істейміз. Сіздің алдағы уақыттағы тағайындалуыңыз ұйымның әлеуетін нығайту тұрғысынан маңызды рөл атқарады, – деді Қазақстан Президенті.

Станислав Зась Қасым-Жомарт Тоқаевқа кездескені үшін алғыс айтып, сайлаудағы жеңісімен және Қазақстан Республикасының Президенті қызметіне кірісуімен құттықтады.

– Қазақстан халқы Сіз сияқты жан-жақты әрі мол тәжірибесі бар мемлекет қайраткері болып қалыптасқан парасатты адамды дұрыс таңдады. Қазақстанның игілігі жолындағы барлық ісіңізге табыс тілеймін. Біз мемлекеттеріміз бен халықтарымыз арасында қалыптасқан достық қатынастарды жоғары бағалаймыз және Қазақстанның халықаралық алаңдарда, соның ішінде Ұжымдық қауіпсіздік шарт ұйымында Беларуське көрсеткен қолдауы үшін ризашылығымызды білдіреміз. Өзара пайдалы іс-қимылдарды нығайта беруге тырысамыз, – деді Станислав Зась.


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің